Manhattango Jaialdian botoa emateko aukera

ZINEMA. Manhattango (New York) Film Laburren Jaialdian botoa emateko aukera izango dute bosgarren urtez Bilboko ikusleek gaur. EITBren egoitzan jarritako pantailan ikusi ahal izango dituzte filmak, 19:00etatik aurrera. Emanaldia amaitzean izango dute film onena hautatzeko botoa emateko aukera, beste hainbat hiritako ikusleek bezalaxe. Besteak beste, Buenos Airesen, Vienan eta San Frantziskon jarraituko dute jaialdia.