Marisol Garmendiari erantzun dio Aldundiak

AZPIEGITURAK. Marisol Garmendia PSE-EEko Donostiako zinegotziak egindako adierazpenei erantzunez, Arteleku Tabakaleratik bereizteko erabakia behin-behinekoa dela ekarri zuen gogora atzo Gipuzkoako Foru Aldundiak, agiri baten bidez, eta soilik «Tabakalerako zuzendari berriak zentro berriaren eduki kulturalak definitzen dituen bitartean» izango dela Arteleku Tabakaleratik kanpo. Gero zuzendariak «Artelekurekin batera lan egingo du».