Marrazkilari eta bitxigilea

Denetatik egiten eta ondo egiten zekien gizona zen Rafael Munoa donostiarra (1930-2012, Donostia). 82 urterekin hil da, jaioterrian. Artista, bitxigilea eta umorista izan zen, baina haren pasioa eta ofizioa marrazkilaritza zen. Euskalerriaren Adiskideen Elkarteko kide zen, eta Donostiako Hiritar Merituaren Saria eman zioten 2005ean.

Donostiaren kultura garai indartsuenetakoa ezagutu zuen Munoak. Jorge Oteiza eta Cristobal Balentziaga ezagutu zituen, besteak beste. La Codorniz aldizkariaren kolaboratzaile izan zen garai batean, eta Enciclopedia de la plata española y virreinal americana entziklopedia idatzi zuen Alejandro Fernandez eta Jorge Rabascorekin batera.