Milanesek ez du abestuko Donostian eta Basaurin

MUSIKA. Pablo Milanes kantari kubatarrak bertan behera utzi du egiten ari den bira, eta, horrenbestez, bihar ez du abestuko Donostiako Viktoria Eugenia antzokian, eta ezta larunbatean Basauriko Sozial antzokian ere. Milanesen ordezkariek azaldu dutenez, zilbor-etena du, eta ebakuntza egin behar diote, peritonitisa saihesteko. Hiru astez atseden hartu beharko du abeslariak.