Jean Giraud Moebius (Frantzia, 73 urte) marrazkilaria zendu da gaur, gaixotasun luze baten ondorioz. Gir goitizenarekin sinatu izan zituen lan asko eta, besteak beste, Blueberry komiki ezagunaren egilea zen.
Paris kanpoaldean jaio zen, eta hamabost urte zituela argitaratu zituen bere lehen marrazkiak. Frantziako aldizkari nagusietan egin zuen lan, baita zinema munduan ere.
90eko hamarkadako Frantziako artista grafikorik onenaren izendapena jaso zuen.
