MUSIKAREN INDAR ERALDATZAILEA

«Artearen egitekoa jendearengana hurbiltzea da, haurrengana, eta bereziki pobreengana». Atzo Salzburgoko Jaialdiak omendu zuen Jose Antonio Abreuren hitzak dira. Venezuelarra Haur eta Gazte Orkestren Sistemaren sortzailea da. 1975etik, metodo horren bidez ehunka gazte pobrek heziketa musikala jaso dute dohain. Emaitzetako bat irudian ageri da: Simon Bolivar orkestra, Gustavo Dudamelek zuzendua, atzo Salzburgon Europako birako lehen kontzertua eman zuena.