NANA MENTHE
Joan den urtearen amaieran kaleratu zuen maliar kantariak bigarren lan luzea. Grioten ondorengoa, arazoak eduki zituen musikan aritzeko, aitaren debekua medio. Amaren eskutik ibilitako ezkontzetan, hiletetan, urtebetetze festetan trebatu zen kantari gisara. Ondoren, ibilbidea egin zuen koruko abeslari gisara; besteak beste, Salif Keitarekin aritu izan da zenbait urtetan. Badira urte batzuk, ordea, bakarkako ibilbideari ekin ziola, eta bi disko akustiko zoragarri ondu ditu, zubi zuzena egiten dutenak txikitan ezagututako errepertorioarekin. Sekulako ahotsa du, ahaleginik gabe kantatzen duten horietakoa, eta balafoiez, koraz eta gitarrez inguratua agertzen zaigu, oso modu organikoan. Disko ederra da.