Oteiza Fundazioko lehendakari berria

Pedro Manterolak aurkeztutako dimisioa onartu eta Francisco Calvo Serraller izendatu dute Jorge Oteiza Fundazioko lehendakari. Erabakia fundazioaren patronatuak hartu zuen, atzo egindako bileran. Francisco Calvo Serraller (Madril, 1948) Nafarroako Unibertsitate Publikoko Oteiza Katedraren zuzendaria da 2008az geroztik. Madrilgo Prado museoko zuzendaria izan zen 1993 eta 1994an, eta arte kritikari gisa ere oso ezaguna izan zen garai batean. Arteari buruzko liburu asko eta askotarikoen egilea da, Enciclopedia del arte español contemporáneo-rena besteak beste.