PAILAZOAK ETA TXARANGA

Tolosako (Gipuzkoa) Bonberenea gaztetxeko txarangak hirugarren diskoa kaleratu du, oraingoan Pirritx, Porrotx eta Marimotots pailazoekin. Bi taldeen arteko ibilbidea islatzen du lanak, eta pailazoen abestiak «Bonbereneako erara» prestatu dituzte, txarangaren hotsa pailazoen ahots eta hitzekin nahastuz. 11 abesti eta hamabi ipuin bildu dituzte diskoan; hainbat musikariren laguntza ere izan dute. Diskoarekin batera, DVDa kaleratu dute.