"Bere idazketa eder eta abilagatik" aukeratu du lana Leire Bilbaok, Miren Agur Meabek eta Antxine Mendizabalek osatutako epaimahaiak. Aurkeztutako 23 lanen batez besteko maila handia ere nabarmendu du epaimahaiak. 3.000 euroko saria eramango du Zubizarretak, eta Elkarrek udazkenean kaleratuko du liburua.
Lezamako Udalak eta Elkar argitaletxeak sortu zuten saria, Mikel Zarate kultur sustatzaile lezamarraren omenez, eta bosgarren aldia du aurtengoa. Aurreko aldietan, Irati Bediaga (Beldarren hegaldia, 2013), Gaizka Arostegi (Urrezko orrazia, 2012), Julen Gabiria (Nire aita ikusezina da, 2011) eta Asier Mendoza (Beste gu, 2010) izan dira sarituak.
