Orioko pilotalekuan (Gipuzkoa) ikusle ugariren aurrean jokatutako finalean Paul Iruretagoiena Rezola ataundarra (Gipuzkoa) nagusitu da gaur Eskolarteko Bertsolari Txapelketako finalean, eta Aitor Servier Etxexuri azkaindarra (Lapurdi) izan da bigarrena.
Gainerako finalistak honako hauek izan dira: Txaber Altube Sarrionandia, Lurdes Ondaro Mallea, Peru Abarrategi Sarrionaindia, Nahia Sasco Etxeberri, Peru Amorrortu Barrenetxea, Manex Mailharin Ortigosa eta Iñigo Ibañez Aramendi.
Azken saio honekin amaitu du aurtengo Eskolartekoak bere ibilbidea. 15-18 urte bitarteko 112 gaztetxo aritu dira guztira bertsotan, herrialdeetan izan diren 11 kanporaketa saioetan. Eskolarteko txapelketaren helburua, sorreratik, gaztetxoei jendaurrean bat-batean jarduteko aukera ematea eta adin horretako haur eta gaztetxoak entzulearen aulkitik zaletzea izan da.
