ZINEMA. Sitgesko (Herrialde Katalanak) zinema jaialdian ikusleen sari nagusia irabazi ostean, Paul Urkijoren Irati filmak Donostiako Fantasiazko eta Beldurrezko Zinemaren 33. Astearen sari nagusietako bat irabazi du: film luzerik onenarentzako ikusleen saria jaso du. Film horrekin hasi zen jaialdia, joan den ostiralean.
Ikusleek beste hainbat film ere saritu dituzte. Film laburrik onenaren saria Brian Quinteroren Oldtimers-entzat izan da (Kanada); animaziozko film laburrik onena Joachim Herisseren Écorchée izan da (Frantzia); eta Espainiako filmik onenaren saria Carlos Morianak eta Raul Cerezok irabazi dute, El semblante lanagatik.
Epaimahaiaren sariei dagokienez, Velasco Brocaren Alegrías riojanaslanak (Espainia) jaso du film laburrik onenarentzako saria, eta Elizabath Hobbsen The Debutante-k (Erresuma Batua) Europako film laburrik onenaren Zilarrezko Melies saria.
Gazte epaimahaiak ere Oltimers saritu du —film laburrik onena—, eta baita Loop ere—Espainiako film laburrik onena—.
Azkenik, kritikaren epaimahaiak Alberto Vazquezen Unicorn Wars animaziozko filma saritu du.
Paul Urkijoren 'Irati'-k ikusleen saria irabazi du Donostian
Euskal zinemagilearen bigarren film luzea gailendu da Fantasiazko eta Beldurrezko Zinemaren 33. Astean
Iruzkinak
Ez dago iruzkinik
Ordenatu