Periscopio Amateur lehiaketa abian da berriz

ARGAZKIGINTZA. Gasteizko Periscopio Amateur argazki lehiaketak 7.300 euro banatuko ditu aurten, hamar ataletan banaturik. Edozein gairi buruzko argazkiak aurkez badaitezke ere, kutsu dokumentaleko irudiak lehenetsiko dira saridunak erabakitzeko orduan. Izena emateko epea hilaren 23tik urriaren 4ra arte egongo da zabalik, eta argazkiak urriaren 21etik abenduaren 11ra bitartean erakutsiko dira. Parte hartzaile bakoitzak erabaki behar du bere argazkiak non erakutsiko diren: dendetan, kultur zentroetan...