Picasso eta Munchen lanak hartuko ditu Tatek

ARTEA. Bi erakusketa nabarmentzen dira datorren urterako Londresko Tate galeriaren egitarauan: Pablo Picasso eta Edvard Munch margolariei eskainitakoak. Picassok Erresuma Batuko artistengan izan zuen eragina aztertzen duen bilduma izango da ikusgai otsailetik uztailera. Ekaina eta uztaila artean, berriz, Munchek argazkilaritzarekin edo zinemarekin zuen harremana erakutsiko dute.