Loud Like Love azkeneko diskoa aurkeztu zuenetik sei urte igaro direla, Placebo taldeak Bilboko Kobetamendin joko du, uztailaren 9an, BBK Live jaialdiaren barruan. Ez da Brian Molkok gidatzen duen taldeak festibalean parte hartuko duen lehenengo aldia, 2006an —artean Bilbao Live izenarekin egin zen— eta 2009an ere jo baitzuen bertan. Azkeneko urteetan nahiko geldirik egon da Placebo, eta, 2016an, taldearen 20. urtemugaren harira, A Place For Us To Dream – 20 Years Of Placebo atzera begirako diskoa argitaratu zuen, urteurrena ospatzeko.
[youtube]https://youtu.be/obovwrfkvv4[/youtube]
Aurretik beste hainbat artistaren izenak zituen iragarriak BBK Livek: Kendrick Lamar, Caribou, The Rapture, Perfume Genius, The Killers, Supergrass, Pet Shop Boys, Bad Bunny, FKA Twigs, Xabi Bandini, El Columpio Asesino, Leon Benavente eta abar.
