'Psycho'-ren filmaketa film bihurtuko dute

Zinema zinemaren barruan, ez da gai berria, baina azkenaldian ugaritzen ari dira filmen sortze prozesuari eta Hollywoodeko izarrei buruzko pelikulak. Orain dela gutxi estreinatu dute My Week With Marilyn, Marilyn Monroek Ingalaterrara The Prince and The Soldier Laurence Olivierrekin egitera egin zuenekoa kontatzen duen filma, eta dagoeneko ezagutarazi dituzte Hitchcock filmaren irudi batzuk.Izenburuak adierazten duen bezala, zinemagile ingelesari buruzko filma da; zehatzago esanda, Psycho-ren filmaketari buruzkoa. Hitchcocken lanik ezagunenetakoa izan arren, arazo handiei aurre eginez egin zuen aurrera ekoizpen txiki horrek. Izan ere, hasieran telebistarako ekoizpen gisa sortu zen. Filmean, Anthony Hopkins izango da Hitchcock eta Scarlett Johansson, berriz, Janet Leigh, dutxaren eszena ezaguna egin zuen aktorea.