Radiohead Bilboko BBK Liven izango da 2012an

MUSIKA. Radiohead taldeak Bilboko BBK Live jaialdian joko du 2012an. Festibalaren zazpigarren ekitaldia uztailaren 12tik 14ra egingo da, Kobetamendin, eta Radiohead da antolatzaileek aurreratu duten lehenengo artista. Thom Yorke abeslariak gidatzen duen taldeak 1993an egin zuen estreinaldi diskografikoa, Pablo Honey diskoarekin, eta, orduz geroztik, Erresuma Batuko talde ospetsuenetakoa bihurtu da. Taldearen azkeneko diskoa, The King of Limbs, udaberrian kaleratu zuten.