Gaur aurkeztu du Rafa Ruedak bere laugarren bakarkako lana, Enaren geometria izenekoa. Autoprodukzio bat da eta ez da disko dendetara iritsiko. Ruedaren esanetan salmentei ez zaie behar bezalako garrantzirik ematen eta horregatik formula ezberdin bat erabiltzea erabaki du. Diskoa Interneteko bere webgunean eta kontzertuetan egongo da salgai, hamar euroko prezioan.
Lan honetan gizakiaren eboluzioaren gaineko hausnarketa egin nahi izan du Ruedak, enara eta gizakiaren arteko paralelismo bat eginez: "Enarak habira joan eta etorrian ibiltzen dira baina beren identitatea galdu gabe, gu bezala".
