RENE MAGRITTEREN OBRA GONBIDATUA

Rene Magritte artistaren La Belle Société lanak hartu du Bilboko Arte Ederretako museoko 32. aretoa. Obra Gonbidatua programaren barruko ekimena da, eta lan bakar bateko erakusketa gisa aurkeztu dituzte lanak, ohiko bildumatik kanpo. Telefonica bildumakoa da Magritteren lana. Bere estiloari jarraiki, errealitatea eta fikzioa nahastu ditu obra horretan ere. Pintore surrealista da, eta haren margolana irailera bitarte ikusi ahal izango da Bilbon.