"Beheraldi larri baten aurka borrokan zebilen", azaldu du aktorearen eledunak, haren heriotzaren berri ematean. Williamsek 63 urte zituen. Poliziak uste du bere buruaz beste egin duela; dena den, zer gertatu den ikertzen ari dira oraindik.
1997an lortu zuen Oscarra Williamsek, Good Will Hunting filmagatik, baina hura ez zen izan sarituriko lan bakarra. Bi Urrezko Globo ere jaso zituen azken urteetako lanagatik, eta aurretik, 1988an, Oscarra jasotzeko aukeratuen artean egon zen, Good Morning, Vietnam lanarengatik.
Williams ezkonduta zegoen, eta hiru seme-alaba zituen.
