Santutxuko bertso saioak bihar hasiko dira

BERTSOLARITZA. Santutxuko Bertso Eskolak eta Bilboko Udaleko Kultura eta Hezkuntza Sailak antolatuta, Udaberriko Bertso Saioak egingo dira Santutxun. Bihartik hasita, hiru larunbatez jarraian egingo dituzte bertso saioak, eta bertan izango dira Maialen Lujanbio, Arkaitz Estiballes, Aitor Sarriegi, Manex Agirre eta Amets Arzallus, besteak beste. Gainera, Bertsolari filma emango dute.