Bilboko Guggenheim museoak 100.000 euroko finantzaketa kolektiboko kanpaina bat hasi du Puppy eskultura konpontzeko. Kanpaina ekainaren 23an jarri zuten martxan, eta zenbait arrazoi direla medio, eztabaidagai bihurtu da sare sozialetan.
Argi esanda, Mecenas morroi bat zen nahi zuenari nahi zuenean nahi zuena ematen ziona, eta ez eskatzen zionari... Hau ez da mikromezenazgoa; hau makro-aprobetxatokia da.https://t.co/ARMa59X8Mo via @A3Noticias
— Javier Cuadra (@JavierCuadra14) July 14, 2021
Twitterren, esaterako, zera adierazi du erabiltzaile batek: «Puppy mantentzeko jendearen laguntza eskatzen duzue, garbiketako langileen greba eskubidea mugatzen duzuen bitartean, erakundeen laguntzarekin». Izan ere, museoko garbitzaileak greban daude ekainaren 8tik, soldata eta lan baldintza duinen alde, soldata arrakala eta prekaritatea gainditzeko. Museoaren balioak «eztabaidagarriak» direla ere esan dute erabiltzaileek. «Greban dauden garbitzaileen baldintzak hobetzeari baino garrantzia handiagoa ematen diolako Puppy konpontzeko kanpaina bat egiteari», idatzi du, adibidez, batek.
Oso "cool" eta modernoa dena...baina bertako langileak guztiz prekarizatuak 😡.
— Eragin Bilbo (@EraginBilbo) July 14, 2021
Haiek behar dute zure kolaborazioa ðŸ¤. https://t.co/HRqrEpVN5J
Beste txiolari batzuek salatu dute Guggenheim fundazioak dirurik ez duela konponketa lan horietarako, baina bai Urdaibain (Bizkaia) museoaren hedapena egiteko. Duela aste batzuk nabarmendu zuen Unai Rementeria Bizkaiko ahaldun nagusiak Urdaibaiko Guggenheim berria «bai edo bai» egin beharreko proiektua zela, Europako Batasunaren laguntzak jaso edo ez.
LOTSA!
— eidergorostiza (@eidergorostiza) July 14, 2021
La mina de oro resulta que no tiene un pavo para Puppy.
Y quieren poner otra mina en Urdaibai.
Mina sí pero ¿para quién exactamente? pic.twitter.com/AjyotfVoIB
23 urte daramatza Puppy eskulturak Bilboko Guggenheim museoaren atarian, eta Ainhoa Sanz museoko kontserbazio arduradunak azaldu duenez, urteetan zehar antzeman dituzten arazoak konpontzeko unea iritsi da. Konponketa gastuei aurre egiteko jarri zuten abian BiziberrituPuppy kanpaina, eta 10.000 euro baino gehiago lortu dituzte dagoeneko. Eskulturaren ureztatze sistema konpontzeaz gain, gaueko argiztapenean ere hobekuntzak egingo dituzte, «beste kalitate dramatiko eta eszenografiko bat emateko». 2021eko irailean, urrian eta azaroan egingo dituzte konponketa lanak.
Puppyren 38.000 loreek zure laguntza eskatzen dute! Denon artean gure txakurkume erraldoia biziberrituko dugu; barrutik konpondu behar dugu kanpotik betiko itxura ona mantentzeko. pic.twitter.com/8izBPdOiJX
— Guggenheim Bilbao (@MuseoGuggenheim) July 12, 2021
