Sarrionandiaren ipuinak oinarri dituen obra atondu dute haurrentzat

Joseba Sarrionandiaren Idazlea zeu zara, irakurtzen duzulako ipuin liburuan oinarrituta, Artedrama eta Dejabu konpainiek Idazlea zeu zara antzerki lana prestatu dute, Ander Lipus, Miren Tirapu, Urko Rekondo eta Ainara Gurrutxaga aktoreen eskutik. Lehen hezkuntzako ikasleentzat eginda dago ipuin kontaketa dramatizatua, eta Kanboko (Lapurdi) ikastolan estreinatuko dute astelehenean. Hik Hasi elkarteak izan du obra sortzeko ideia, ikasleengan pentsamendu kritikoa eragin, irakurtzeko zaletasuna sustatu eta antzerkia eskoletara eramateko helburuarekin.