Schola Cantorum abesbatza norvegiarrak irabazi du aurtengoa

Tolosako nazioarteko abesbatzen lehiaketaren 37. ekitaldiko irabazle nagusia Schola Cantorum abesbatza norvegiarra izan da. Euskarazko obra ondoen interpretatzen duenari ematen zaion saria beraiek irabazi dute, eta baita ahots misto polifonikoena eta ahots misto folkloreena ere. Alemaniako Calmus Vocal Ensemble abesbatzak, berriz, ikusleen saria, musika profanoko ahots taldeena eta eliz musikako ahots taldeena eskuratu ditu. Haurren abesbatzen saria, berriz, Newfoundland Symphony Youth Kanadako abesbatzak irabazi du.