Slumdog Millionaire-ri eman diote gaur film onenaren Urrezko Globoa, Los Angelesen (Ameriketako Estatu Batuak, AEB) egindako ekitaldian. Danny Boyle-k zuzendu du lana eta gidoia Simon Beaufoy-k idatzi zuen. Dev Patel da aktore nagusia, eta Freida Pinto, Anil Kapoor eta Irrfan Khan dira beste aktore garrantzitsuak.
Gidoi, musika banda eta zuzendari onenaren sariak ere jaso ditu.
Indian grabatu zuten filma, eta Bombayko auzo txiro batean hazi den mutil baten istorioa kontatzen du. Telebistako lehiaketa batean parte hartzen du mutilak.
Gaurko arrakastarekin, Oscar sarietako faborito nagusia bihurtu da Slumdog Millionaire. Otsailaren 22an emango dituzte sariok, Hollywooden (AEB).
KulTURA
'Slumdog Millionaire', film onenaren Urrezko Globoa
Gidoi, musika banda eta zuzendari onenaren sariak ere eman dizkiote.
Iruzkinak
Ez dago iruzkinik
Ordenatu
