Tabakalera zirku bihurtu da De la Iglesiaren azken filma estreinatzeko

Donostiako Tabakalera zentroa zirku zahar bilakatuko da gaur, Alex de la Iglesia bilbotarraren Balada triste de trompeta filmaren aurrestrenaldia egiteko. Gaztekutxak antolatu du ekitaldia, eta, azaldu duenez, «zirku dekadente horretako pista batean» gertatuko da filmaren aurrestreinaldia. Estreinaldi ofiziala astebete barru izango da zinema aretoetan. Bestalde, Catering Circus saioa eta Guille Milkywayren musika ere egongo dira gaur Tabakaleran. Frankismoaren azken urteetan girotutako komedia dramatikoa da filma. Gidoirik onenaren eta zuzendaririk onenaren sariakirabazi zituen Veneziako zinema jaialdian.