Urriaren 19an jarriko da abian Literatura Eskolaren 2013-2014 truke urtea, Jaime Balberdek Ander Lipusen antzerkigintzaz zuzenduko duen saioarekin, Larrabetzuko Herri Eskolan (Bizkaia).
Literatura sozializatzeko eta zabaltzeko bidean sinergiak bilatu nahirik, lehendik aritzen zirenei talde eta elkarte berriak gehitu zaizkie Literatura Eskolaren antolakuntzan, hala nola EIE Euskal Idazleen Elkartea, Euskal Itzultzaile, Zuzentzaile eta Interpreteen Elkartea, Ehaze Euskal Herriko Antzerkizale Elkartea, 111 Akademia, UEUko Literatura Saila, Sareinak eta Elearazi.
Duela hamar urte jarri zuen abian Literatura Eskola Bihotz Bakartien Klubak.
Informazio gehiago eta egitarau osoa Literatura Eskolaren webgunean eskura daiteke.
