The Killers taldeko saxofonista hil da

MUSIKA. Thomas Marth, The Killers rock taldeko saxofoi jotzailea, hilda aurkitu zuten, astelehenean, Las Vegasen (AEB). Ikerketaren arabera, litekeena da Marthek bere buruaz beste egin izana. Saxofonista ez zen jatorrizko taldekidea, baina Sam's Town (2006) The Killersen bigarren diskoan parte hartu zuen. Ondoren, Day & Age (2008) lana ere grabatu zuen. The Killers taldean sartu baino lehen Las Vegasko klubetan jardun zuen jotzen eta musika jartzen.