Gaur gauean jakingo dira 62. Donostiako Zinemaldiaren sari nagusiak. Hala ere, Urrezko Maskorraren lehiatik kanpo, beste sari batzuk jakinarazi dituzte dagoeneko. Publikoaren saria, adibidez, Wim Wenders eta Juliano Ribeiro Salgadoren The Salt of the Earth dokumentalarentzat izan da.
Europar filmaren saria Damian Szifronen Relatos salvajes-i eman diote. Gazteriaren saria —epaimahai gazteak ematen duena— Alonso Ruizpalacios mexikarraren Güeros filmarentzat izan da. Fipresci saria Christian Petzolden Phoenix filmari eman diote. I.
Zinemaldia Feroz Saria Alberto Rodriguezen La isla minima-rentzat izan da (atzo estreinatu zuten areto komertzialetan). Signis saria Susanne Bierren En chance til-entzat izan da, eta aipamen berezia Loreak euskarazko lanarentzat. Sebastiane saria, berriz, François Ozonen Une nouvelle amie filmarentzat izan da.
