The Waterboysek Bilbon joko du gaur

The Waterboys talde historikoakBilboko Santana 27 aretoan joko du gaur (20:00). An appointment with Mr. Yeats lana (Proper Records) aurkeztuko du Mike Scottek zuzendutako taldeak. Joan den urtearen amaieran kaleratu zuen Irlandako W. B. Yeats poeta eta antzerkigileari eskainitako disko hori. Hamalau kantu dauzka, eta rock eta pop psikodelikoz jantzitako poema bat da bakoitza.

Orain dela 30 urte baino gehiago eratu zen taldea, Londresen, eta, 1983an, lehen lana kaleratu zuen, taldearen izen berekoa. Geroztik, beste zortzi estudioko disko atera dituzte, betiere rocka eta folka uztartuta, baita hainbat zuzeneko eta bilduma ere.