Tito Aldama (Gasteiz, 1944) Hertzainak taldeko saxofoi jotzailea eta Florentino Goiburu (Idiazabal, Gipuzkoa, 1933) bertsolaria hil dira.
Aldama atzo hil zen, Gasteizen. Aspaldian gaixo zebilen. Garai zailak pasatzen ari zen azkeneko urteotan, eta kalean ere bizi izan zen. Hertzainak taldeko kidea izan zen aurreneko bi diskoetan, eta ondorengoetan, berriz, tarteka kolaboratu zuen bere saxofoiarekin.
Goiburu ere atzo hil zen 79 urte zituela. Herri mailako bertsolaria izan zen. Gipuzkoako kanporaketa irabazi zuen 1985ean, eta 1986ko Txapelketa Nagusiko azken laurdenetara iritsi zen. Bideoa: Goiburu, Gazta Egunean 2007an.
[YouTube]http://youtu.be/m0U5DQQFDOA[/YouTube]
