Txillidaren obrak 22.000 ikusle izan ditu Frantzian

ESKULTURA. Eduardo Txillidaren berrehun lan bildu dituzte itsaso parean Saint Paul de Vence herriko Maeght Fundazioan (Kosta Urdina, Frantzia). Ekainaren 26an zabaldu zuten, eta arrakasta handia izaten ari da eskultorearen lanaren atzera begirakoa egiten duen erakusketa. Hilabete eskasean, 22.000 pertsonak baino gehiagok bisitatu dute. Azaroaren 13ra arte ikusi ahalko da.