Ur Apalategi ariko da gaur Kilkerren Soka ziklo berrian

LITERATURA. Ur Apalategi Fikzioaren izterrak narrazio liburuaz aurkeztuko du gaur, 19:00etan, Andoaingo Udal Liburutegian, Iban Zaldua idazlea solaskide duela. 111 Akademiak antolatutako Kilkerren Soka liburu aurkezpenen ziklo berriko lehen saioa izango da. Ziklo berean, honako liburu hauek aurkeztuko dituzte beren egileek, solaskide baten laguntzaz beti: Jokin Ansorenaren Ordu bietan Frontoian, Arantxa Urretabizkaiaren 3 Mariak, Jon Benitoren Bulkada, Patxi Zubizarretaren Joan eta Pantzo Hirigarairen Poto.