Kartzelan 22 urte igaro ostean, Parot Dotrinaren ondorioz aske geratzen da Santiago Argote Bengoa etakide ohia, eta Sotoko kartzelan ezagututako Emilioren etxera, Almeriara, joango da bizitzera. Behin han, 28 urte lehenago hil zuen militarraren alabarekin egingo du topo. Eta maitemindu egingo dira. Hori da Imanol Uriberen Lejos del mar filmaren sinposia, eta sinesgaitza iritzita-edo, gaur goizeko prentsako emanaldian barreak entzun dira aretoan.
Sail Ofizialean aurkeztu da baita ere Peter Solletten Freeheld filma. Julianne Moore aktorea da filmeko protagonista. Malkoa bilatzen duen drama konbentzionala da, efektista, eta batzuetan, efektiboa.
