Urruzola, Fidalgo eta Briz saritu ditu Orfeoiak

MUSIKA. Otilia Fidalgo Gonzalez eta Maria Victoria Urruzola Esnaolak ex aequo irabazi dute Donostiako Orfeoia-EHU saria musikari buruzko ikerketa sustatzeko kategorian. Fidalgoren lana La música religiosa de Valentín Zubiaurre. Maestro de la Real capilla de Madrid (1875-1914) da, eta Urruzolarena, berriz, Un programa de prevención del miedo escénico para niños/as de 8 a 12 años. Halaber, Angel Briz Lazkoz ere saritu dute musikaren munduan egindako lanaren eta bere ibilbidearen aitortza gisa.

Musikaren munduan egindako ibilbidea aitortzeko eta musikari buruzko ikerketa bultzatzeko asmoarekin sortu zuten saria Donostiako Orfeoiak eta EHUk, eta aurtengoa banatzen den 22. aldia da. Sari banaketa ostiralean egingo dute, EHUko Ignacio Maria Barriola zentroko auditoriumean, Donostian. Ekitaldiaren ondoren, Donostiako Orfeoiak kontzertu laburra emango du.