Vahan Sarkisian ohorezko euskaltzaina hil da

EUSKALTZAINDIA. Ohorezko euskaltzaina zen Vahan Sarkisian filologo armeniarra. Urtarrilaren 21ean zendu zen, bihotzekoak jota. 55 urte zituen. Erevanen (Armenia) sortu zen, 1954ko martxoaren 12an. Filologia Zientzietako doktorea zen. Armeniera-euskara Estudioen Saileko sortzaile eta irakaslea zen Sarkisian, eta Araxes izeneko armeniera-euskara nazioarteko aldizkariaren sortzaile eta zuzendaria zen.