heriotza
Valentin Aldalur 'Zialtzeta' hil da
Gaur hil da Valentin Aldalur 'Zialtzeta' (1930-2005) trikitilari eta trikitizalea. Jazinto Rivas Elgeta-ren ikaslea, harekin harreman estua izan zuen. Elgeta hil zenean Zialtzetak berak jaso zituen haren gauzak eta soinuak. Elgeta soinua jotzen entzun daitekeen grabazio bakarra ere berak gorde zuen eta eman zion gero Trikitixa Elkarteari.
Ez zuen diskorik grabatu, ez zuen txapelketarik irabazibaina erromeriz erromeri eta herriz herri asko ibilitakoa zen. Primi Erostarbe izan zuen lagun. Horiek horrela duela bi urte omenaldia egin zioten 36ko gerra osteko trikitilarien belaunaldiko beste askorekin batera. Aspaldian utzita zuen soinua, adina eta osasuna zirela kausa.
Iruzkinak
Ez dago iruzkinik
Ordenatu
