Landakoenea saioa ikusgai izan da gaur ere BERRIA.INFOn. Gaurkoan, Esne Beltza taldeak —12:00etan—, Martxelo Otamendi BERRIAko zuzendariak —12:15ean— eta McOnak musika taldeak —12:30ean— hartu dute parte. GAL 30 urte liburua izan du mintzagai Otamendik, eta arratsaldean aurkeztuko dute liburua Durangoko Azokan. Aurkezpena zuzenean izango da ikusgai BERRIA.INFOn.
Inaxio Esnaola eta Ane Azkuek dira Landakoenea saioaren aurkezle, eta BerriaTBko Lara Madinabeitia eta Ander Garcia dabiltza bideogintzan, Hamaika Telebistako bideogileekin batera. Saioa egunero zuzenean ikusi ahal da BERRIA.INFOn igandera bitartean, 12:00etatik 13:00etara, eta ondoren ere ikusgai izango da webgunean. Hamaika Telebistak ere zuzenean emango du webgunean eta iluntzean telebistan emango du
Gune berezia 'Berria.info'-n
Horrez gain, webgune berezia izango du BERRIA.INFOk azokako produktuak aurkezteko eta elkarrizketak egiteko. BERRIAren webguneak jarraipen berezia egingo dio Durangoko Azokari, eta eguneko albisteen eta aurkezpenen berri emango du. Bertan izango dira, besteak beste, paperekorako sortutako edukiak, elkarrizketak eta edizio jarraituan landutako albiste eta bideoak. Horrekin batera, azokako argazkien bilduma eta bideo bilduma ere ikusi ahalko dira.
