Senpereko Musumielenia etxeko (Lapurdi) Marcel Arribillaga eta bere anaia kantari «ohargarriak» omen ziren. Behiak jezten aritzen zirenean, jendea haiek entzutera hurbiltzen zen behitegira. Haien arreba Marie Jeanne Arribillagari esker iritsi dira gaurdaino kanta horiek, Jean Barbier apezaren idazkari zela, 1910. urtean kaiera batean kantak idazten hasi baitzen. Kaiera hori du oinarri Oxtikenekoak eta Hatsa elkarteek kaleratutako XIX. mendeko kantu ahantziak liburuak.
Arribillagaren kaiera Piarres Lafitte euskaltzainaren artxibategitik berriki ateratakoa da. Horren kopia jaso dute liburuan, hitzez hitz, baina egungo idazmoldera ekarrita. Esku batek baino gehiagok idatzia da liburua, bilduma urtetik urtera osatzen joan baita, ehun orrialde osatzeraino. Kaiera idatzi zen garaiko eta lehenagoko 110 kantu biltzen ditu liburuak, eta zenbait oso ezagunak dira gaur egunean ere.
'XIX. mendeko kantu ahantziak' liburuan ehundik gora abesti zahar bildu dituzte
Oxtikenekoak eta Hatsa elkarteek kaleratu dute 1910. urtean kaiera batean idazten hasitako kantuen bilduma
Iruzkinak
Ez dago iruzkinik
Ordenatu
