Yvonne de Carlo aktorea hil da

Yvonne de Carlo aktorearen heriotzaren berri bart gauean jakin bada ere, hilaren 8an hil zen, Los Angelesen (AEB), 84 urte zituela.

De Carlos 1922an jaio zen, Vancouverren (Kanada). Oso gazte hasi zen zineman lanean, besteak beste, pobreziatik irtetzeko gogoak bultzatuta. 40.eko hamarkadan hainbat abentura film eta western-etan parte hartu zuen, eta ezagun egin bazen ere, ez zuten inoiz aktore gisa oso aintzakotzat hartu. 1956an The Ten Commandments ( Hamar mandamentuak) egin zuenean aldatu zen joera hori. Hala ere, ez zuen gehiegi iraun, eta telebistarako sailak egiten hasi zen gutxira. Hala, Bonanza eta tankerako beste batzuetan aritu zen. Baina The Musnters (1964-1966) telesailarli esker bildu zuen arrakasta gehien, hain justu, Munster familiako Lily Munster amaren rola jokatuz.