Zahartzaroko dementzia du Garcia Marquezek

LITERATURA. Gabriel Garcia Marquez idazle kolonbiarraren anaia Jaimek jakinarazi du zahartzaroko dementzia nozitzen duela Gabrielek. Azaldu duenez, fisikoki «ongi» dago, baina memoria arazoak areagotzen ari zaizkio, bereziki 1999an minbizia igaro zuenetik. Dena den, oraindik elkarrizketa arruntak edukitzeko moduan dago, «poztasun handiz eta umorez gainezka».