ZAIN, XXI.MENDEKO PIRATEN ATZETIK

Lehenengo lanarekin Gaztea irratiak iaz antolaturiko maketa saria irabazi ostean, Berrizko laukotea beste kantu bilduma batekin dator: XXI. mendeko piratak (Baga-Biga). Izenburua ematen dion abestiarekin hasten da rock indartsu zein melodikoan finkaturiko lan hori. Hala ere, punk ukitua ere badu taldeak, 90eko hamarkadako estiloa gogoraraziz. Hamabi abestiko disko berrian, giza arazoei buruzko hitzak jaso dituzte, «aberatsen piratakeria» salatuz.