Zinebik Carlos Saurari emango dio Mikeldi saria

ZINEMA. Zinebi zinema dokumental eta film laburren Bilboko jaialdiak Ohorezko Mikeldi saria Carlos Saura zinemagileari emango dio aurten. Azaroaren 16tik 23ra egingo da jaialdia, eta aurten 55. aldia du. Aurten 3.505 film jaso ditu Zinebik. Horien arteko 73 hautatu dituzte Sail Ofizialeko lehiaketarako, eta hautatuetako zortzi Euskal Herrian ekoitziak dira.