Zinemagile eztabaidatua

Iskanbilari lotuta egon zen Ken Russellen izena bere film ospetsu edota arrakastatsuenak egin zituenean. Zinema zuzendari ingelesa (Southampton, 1927) oso ezaguna bihurtu zen 60ko eta 70eko hamarkadetan. Women in Love (1969) eta The Devils (1971) filmek zinemagile ezberdin bat aurkeztu zuten, probokazioa bilatzen zuena, eta b¡de bera jarraitu zuten hurrengo urteetan musikari lotuta egin zituen esperimentu eta biopic-ek. The Who musika taldearen Tommy (1975) rock operaren egokitzapenak maitasun eta gorroto adierazpenak eragin zituen musika eta zinema zaleen artean, eta antzeko erantzuna jaso zuten The Music Lovers Txaikovskiren biografiak eta Lisztomania-k (1975). Biak ala biak, Russellen estilo efektistaren adibide argiak dira. Igandean hil zen, 84 urte zituela.