Donostiako Zinemaldiak industria arloko hainbat egitasmo aurkeztuko ditu lehen aldiz Cannesko zinema jaialdian. Datorren astean hasiko da Cannesko jaialdia, eta Zinemaldiak Europa-Latinoamerika Koprodukzioa foroa aurkeztuko du bertan. Zinemaldiko zuzendari Jose Luis Rebordinosen arabera, foroa garrantzitsua da euskal ikus-entzunezko sektoreari bultzada emateko, eta Cannesko Producers Network merkatuan ezagutarazteko.
Foroa Europako eta Latinoamerikako zinema sustatzeko erreferentziazko plataforma bilakatzea espero dute Donostiako Zinemaldiko arduradunek. Gainera, Euskal Herriko zinemari babesa emateko, Donostiako jaialdia Eiken Euskadiko ikus-entzunezkoen klusterrarekin ari da lanean.
Foroa, Zinemaldian ere
Fikziozko hogei proiektu aukeratuko dituzte fororako; lan guztiek %20ko diru laguntza baino gutxiago eduki behar dute. Irailaren 27an eta 28an egingo dute foroa, Zinemaldiaren barruan.
Zinemaldiak zenbait industria egitasmo aurkeztuko ditu Cannesen
Euskal ikus-entzunezko sektorea bultzatzeko, Europa-Latinoamerika Koprodukzioa foroa izango da jaialdian
Iruzkinak
Ez dago iruzkinik
Ordenatu
