Zubererazko lehen film luzea, abian

Zubererazko aurreneko film luzea bidean jarri dute, eta egitasmoa bururaino eramaiteko gogo tinkoa agertu dute bultzazaileek. Proiektuari 'Xiberoa Zinez' izena eman badiote ere, ez da pelikularen izenburua hori izango; asmatzeko daukate oraindik.

Bi pertsonaiaren harreman korapilatsuaren inguruan moldatu du istorioa Peio Cachenaut gidoilariak. Bi urte eman ditu, tarteka, honen idazteko. Cachenaut bera izango da gidari eta zuzendaria. Aktore nagusietakoak, berriz, Jef Goihenexpe, Ttittika Rekalt eta Allande Errezaret.

Hebentik kultur batasunak garatu du proiektua. 80 bat minutuko iraupena izango du. Hogei egun beharko dituzte filmatzeko.

45.000 euroko aurrekontua izango du lanak, eta herritarrei dei egin die laguntza bideratzeko -50 euroko txartelak atera dituzte-.