Lasa eta Zabala oroitu dituzte Benta Haundin

Lau hamarkada dira GALek Joxean Lasa eta Joxi Zabala etakideak bahitu zituenetik, Baionan. Haiek La Cumbren (Donostia) torturatu, eta Busoten (Herrialde Katalanak) hil eta lurperatu zituzten. Bi gazteak oroitzeko ekitaldia egin zuten atzo Tolosako (Gipuzkoa) Benta Haundin. Ekitaldian, Sortuko Nazio Kontseiluko kide Haimar AltunakEspainiako Estatuari galdegin zion onar ditzala haren «biolentziak» eragindakobiktima guztiak, hori delako euskal gizarteak eskatzen dion «urratsa». Lasa eta Zabalaren memoria Euskal Herriaren «egiaren» parte dela erantsi zuen.