Aurtengo Araba Euskaraz festak badu musika: kantua eta bideoklipa aurkeztu dituzte gaur. Laudio ikastolak antolatu du aurtengo edizioa, eta hango lau ikasle ohi elkartu dira kanta eta bideoa sortzeko: Izar Mendigurenek sortu du letra, Egoitz Uriartek musika, Txabi Alvaradok bideoa eta Ainhize Solaunek koreografia. Hainbat musikarirekin batera bilakatu dute Zabal bideak leloa kantu.