Kontaketa estua izango dela iragarrita zegoen, eta halaxe berretsi du La Vanguardia-ko zundaketak ere. Ciutadans jotzen du bozen irabazletzat, eta 34-37 eserleku ematen dizkio; atzetik pega-pega eginda, ERC edukiko luke, 34-36rekin. Junts Per Catalunya (JPC) letorke gero, 28-29 diputaturekin; PSCri 18-20 ematen dizkio, Catalunya En Comuri 7-8, CUPi 5-6, eta PPri 3-5.
AMPLIACIÓN La suma de ERC, JxCat y la CUP retendría entre 67 y 71 escaños, en el umbral de la mayoría absoluta (68) https://t.co/O3JyKsW2tY#EleccionesCataluña
— La Vanguardia (@LaVanguardia) 2017(e)ko abenduak 21
Gehiengo osoa eskura lukete independentistek, zundaketaren emaitzen arabera. 67-71 diputatu batuko lituzkete ERCk, JPCk eta CUPek.
%1eko aldea besterik ez da egongo independentistek eta unionistek bloke gisara batuko dituzten botoen artean, zundaketaren emaitzen arabera. Comukoek izango lukete giltza, beraz.
GAD3 taldeak egin du zundaketa, La Vanguardia-k, RAC1ek eta 8TVk osatzen duten Godo taldeak eskatuta. 3.200 elkarrizketa egin dituzte telefonoz, 19:00ak arte. 20:00etan hautetsontziak itxi eta segituan eman du ematzen berri.
