Beste atentatu handi bat egin dute gaur Afganistanen, 19 zibil hil dituztelako Helmanden, herrialdearen hegoaldean. Zibilak zihoazen furgoneta bat pasatzen ari zela bonba bat lehertu dute.
Hildakoen artean sei adintxikikoak dira eta zazpi emakumezkoak. Beste bost lagun zauritu egin dira.
Atzo 62 pertsona hil eta 135 zauritu zituzten Afganistanen, xiiten aurka egindako bi atentatutan. Kabulen izan zen eraso bat, Mazar i Sharifen bestea.
